Ebyemizannyo

Cranes akyusizza entambula

Tiimu  yegwanga eya Cranes ekyuusizza entambula yaayo okugenda  e’Mauritania okuzannya omuppiira ogwokudingana mumpaka ezokusunsulamu abanetaba mukikopo kya Africa omwaka ogujja.

Team eno ebadde yakusitula kumakya ga leero wabula bakyuusiza era basuubira okugenda ekiro kya’leero nenyonyi ya Ethiopia Airlines nga bwebalinda kubazanyi okuva e’South Africa kuli Denis Onyango ne Geofrey Massa.

Munamawulire wa team eno Katende Malibu ategezezza nga bwebagenda mukafubo okulaba oba banaalinda abazanyi bano oba okubaleka bakolemu enkyuuka kyuuka nga obudde bukyaali.

Abazanyi abalala abasuubirwa okwegatta ku Cranes mugwanga lya Senegal team gyegenda okuyitira,kuliko Tonny Mawejje ne Luwagga Godfrey ate ye Oloya Moses tasuubirwa kusambira Cranes ku Sunday oluvanyuma lwa Club ye okumulemera.