Amawulire

UPDF esse abayekera ba ADF 20, 15 bakwatibwa e Ntoroko

Bya Ben Jumbe,

Eggye lye ggwanga erya UPDF likakasiza nti abayekera ba ADF 20 bebattiddwa mu bulumbaganyi bwe bakola mu disitulikiti yé Ntoroko.

Kino kyadirira ku lwokubiri lwa ssabiiti eno abayekera ba ADF abasoba mu 40 okulumba ebyalo mu Ntoroko ne batandika okutigomya abatuuze.

Bwabadde ayogerako eri bannamawulire ku kitebe kya maggye e Mbuya omwogezi wa UPDF Brig Gen Felix Kulaigye agamba nti abayeekera 20 bebattibwa mu kuwaanyisiganya amasasi ne 15 ne bawambibwa.

Agamba nti embeera ezze munteeko nga tewakyali kutiisibwatiisibwa nalaajanira abatuuze b’e Ntoroko abaali badduse mu maka gaabwe okudda.