Amawulire

UPC eyongezezzaayo ttabamiruka-tewali ssente

Ab’ekibiina kya kya UPC bongezzaayo  ttabamiruka w’ekibiina kyabwe okutuusa omwezi gw’omusanvu lwabbula lyansimbi.

Ttabamiruka abadde owokutuula nga 12 June kati  wakutuula nga 10 July .

Kino kibikuddwa ssenkagale w’ekibiina kino  Dr Olara Otunnu bw’abadde ayogerako eri bannakibiina mu bitundu bya West Nile ku Republican Hotel .

Dr. Otunnu agamba ekibiina mu kiseera kino kiri mu katuubagiro kabyansimbi nga beetegekera okutegeka olukungaana lw’abakulembeze b’ekibiina okuva mu bitundu by’eggwanga ebyenjawulo ssaako ne ttabamiruka.

Otunnu agamba abagabi b’obuyambi baasaze ku nsimbi ezibaweebwa sso nga ababaka abali ku tiketi y’ekibiina tebanasasula nsimbi zebalina okusasula eri ekibiina nga kati ekibiina kiyimiriddewo ku ssente eziva mu kibiina kya Milton Obote Foundation.