Amawulire

UNATU ekangudde ku ddoboozi

Bya Mike Sebalu

Ekibiina ekigatta abasomesa ki Uganda National Teachers Union (UNATU) kitiisizzatiisizza okukozesa omukono ogwekyuma eri abakulembeze b’amatabi gaakyo okwetoloola eggwanga, abalemereddwa okulaga ensasanya y’ensimbi ezizze zibawebwa okukola emilimu ku matabi okuviira ddala mu kitundu ekyasooka eky’omwaka ogw’ebyensimbi.

Obukadde bw’ensimbi obusoba mu 60 bwebutalagibwako nsasaanya okuva mu matabi 9 okwetoloola eggwanga.

Amatabi agogerwako kuliko elya district eye Mityana n’obukadde 13, Mityana Municpality n’obukadde 2 n’omusobyo.

Amalala ye Lugazi nga bano balina okulaga ensasaanya ya bukadde obusoba mu 4, Nakawa obusoba mu 3, Lubaga busoba mu 5, Mukono obusoba mu 23 n’awalala.

Ssabawandiisi wa UNATU Filbert Baguma agamba nti, obutalaga nsasanya mu budde kyandiviirako amatabi agabanjibwa obutawebwa nsimbi ndala kukola milimu milala.