Amawulire

Tumukunde ayimiriziddwa

KKooti eyisizza ekiragiro ekigaana munnamaggye Brig Henry Tumukunde okusengula abantu ku ttaka lya Jomayi eriweza yiika 200.

Ettaka lino liriko ebyaalo nga Njagi , ne Bujuuko ku luguudo lwe Mityana.

Amyuka omuwandiisi wa kkooti Thaddeus Opeseni agambye nti waliwo ebitategerekeka wakati w’endagaano eyakolebwa jomayi ne Tumukunde kale ng’omulamuzi alina okubyetegereza

Kkooti era eragidde Tumukunde okukomya okulambuza abantu be ettaka lino okutuuka ng’omulamuzi David Wangutsi awulirizza enjuuyi zonna.

JOMAYI yawaaba Brig. Tumukunde ng’ayagala biragiro bimuyimiriza kusalimbira ku ttaka lye kw’azimba ekibuga eky’omulembe

Ebiwandiiko ebiri mu kkooti biraga nti Tumukunde yaguza Jomayi ettaka eryogerwaako ku buwumbi busatu kitundu era nga yalina okuzimalayo mu myezi esatu kyokka nga bweyakerewamu TUmukunde n’atandika okulambuza abaguzi abapya

Jomayi agamba nti yakasasula obuwumbi obusoba mu bubiri nga kiba kikyaamu okugaba ettaka lye