Amawulire

Tiimu 8 zikakasiddwa okwetaba mu mpaka za CECAFA Women’s Championship

Bya Prossy Kisakye,

Tiimu 8 zikakasiddwa okuba nti zezigenda okwetaba mu mapaka za CECAFA Women’s Championship ezomwaka guno.

Uganda yegenda okukyaza empaka zino ku kisaawe kya FUFA Technical Centre, e Njeru.

Empaka za kugibwako akawuuwo wakati wa May 22nd ne June 5th 2022.

Bino bikakasiddwa Yussuf Mossi, CECAFA Competitions Director.

Nga ogyeko Uganda amawanga amalala agagenda okwetaba mu mapaka zino kuliko, Burundi, Djibouti, Ethiopia, South Sudan, Tanzania, Rwanda ne Zanzibar.

Eggwanga lya Kenya bebannantameggwa be mpaka zino bwebawangula Tanzania 2-0 mu 2019 wabula si bakwetaba mu mpaka za mulundi guno oluvanyuma lwokuyimirizibwa ekibiina kya FIFA ngekibonerezo.