Amawulire

Teri kusonda nsimbi mu masinzizo

Akakiiko akagatta enzikiriza ezenjawulo kaweze emikolo gy’okusonderako ensimbi mu masinzizo gonna ekiseera ekigere nga eggwanga lyetegekera akalulu ka 2016.

Nga ayogerako nebannamawulire olwaleero ssabalabirizi w’ekanisa ya Uganda Stanley Ntagali ategezezza nga okusonda ensimbi kuno bwekuteeka akabuuza ku kitiibwa ky’e kanisa.

Ntagali era alangiridde nga bwebategese okusaba okwenjawulo okwetolola eggwanga lyonna nga okulonda kw’omwaka ogujja bwekusembera.

Mu kwogerakwe, Ntagali era alabudde abavubuka okwewalira ddala okukozesebwa bannabyabufuzi kubanga bakomekerera bebali mu buzibu.

Mungeri yeemu akakiiko kano kesamulidde ddala bannadiini abeyingizza mu by’obufuzi bw’eggwanga.

Nga amaliriza ssabalabirizi Ntagali asasidde nyo abayisiraamu olw’okufiirwa seeka omukulu omulala eyatiddwa abatemu mu kiro ky’olwokubiri.