Amawulire

Temuddamu okunyega ku bya Kaweesi

Kooti eweze emikutu gy’amawulire gyonna obutaddamu kunyega ku nsonga zakunonyereza okugenda maaso ku kutibwa kw’eyali omwogezi wa poliisi mu ggwanga Andrew Felix Kaweesi okumala ekiseera ekigere.

Ekiragiro kino kiweereddwa amyuka omuwandiisi wa kkooti Joy Kabagye Bahinguza.

Kino kiddiridde ssabapoliisi w’egwanga Gen Kale Kayihura ngayita mu ssabawolereza wa gavumenti okuggula omusango ku kampuni yamawulire eya Red Pepper, olwokuwandiika ku nsonga eno ku ye byayita ebyanjwajwa.

Gen Kayihura alumiriza bano okufulumya amawulire amekusifu ku nfa ya Kaweesi nga tebafunye lukusa okuva eri abobuyinza kkooti kwekusalawo bweti.

Kayihura agamba ebifuluma bino bitaataganya okunonyereza kwabwe nga poliisi okukyagenda maaso.

Kati kitegeeza nti teri kunyega ku bya Kaweesi okutuusa ngennaku zomwezi 21 August womwaka guno, 2017 omusango lwegunagenda mu kkooti mu maaso g’omulamuzi Stephen Musota.