Amawulire

Ssentebbe we kyalo yawambiddwa oluvanyuma nebamutemula

Bya Yazid Yolisigira

Enitiisa ebutikidde abatuuze be Nakavule mu district ye Iganga bwebagudde ku mulambo gwa ssentebbe wekyalo nga gwsuliddwa ku nnyumba ebadde ekyazimbibwa, kinnya na mpindi namaka ge.

Abdallah Mawogole, ngera abadde musubuzi okuva mu kibiina kya NRM ngera yabadde akautte bendera mu kulonda kwe byalo okusubirwa okubaawo, kisubirwa nti yawambiddwa olunnaku lwe ggulo, abatamanya ngamba, oluvanyuma abamusse.

Omu ku bakyala be Rose Babirye, ategezeza nti yabadde amukubidde ku ssimu namugamba nti waliwo abamuwambye era nga bamukubye nebiragalalagala.

Omwogezi wa poliisi mu Busoga East James Mubi, akaksizza ettemu lino.

Ono agambye nti bakozesezza embwa ekonga olussu naye mpaawo kyebazudde, nga tewali yenna era gwebakutte.

Wabula agamba nti tebanabijjamu nta okunonyereza kukyagenda mu maaso.