Amawulire

Ssebuufu akomyewo mu kkooti

Omusuubuzi omukukutivu ow’emotoka mu Kampala Muhammad Ssebufu addiziddwaayo ku meere e Luzira.

Ssebuufu aleteddwa mu kkooti okutegeera omusango gwe wegutuuse naye nga ali mu mbeera mbi nnyo ddala era nga aleeteddwa mu mikono nga banne bamuwaniriridde.

Omu ku ba makomera atayatuukirizza manya ge ategezezza kkooti nti Ssebuufu yakubiddwa puleesa.

Omulamuzi omusango ogwongezezayo okutuusa nga December 9th 2015, oluvanyuma lw’omuwaabi wa gavumenti okutegeeza kkooti nti fayiro ya poliisi  ekwata ku musango guno teyaleeteddwa era nga tasobola kutegeeza kkooti okunonyereza we kutuuse.

Omulamuzi alagidde oludda oluwaabi Flavia Nabakooza okulaba nga ku lunaku abavunaanwa lwebakomawo okunonyereza nga kuwedde abavunaanwa basindiikibwe mu kkooti enkulu batandike okuwerenembe n’emisango.

Ssebuufu n’abalala bana bavunaanibwa kutta omu ku musuubuzi w’omu Kampala Donah Betty Katushabe lwa bbanja lya motoka obukadde mwenda