Amawulire
Ssabasajja asiimye ku baamukenenya
Bya Shamim Nateebwa
Mengo emalirizza enteekateeka y’okukolagana n’ekitongole kya Joint Clinical Research Centre okukebera abantu ba ssabasajja akawuka ka mukeneneya ku bwerere,
Ngatongoza kaweefube w’okusaasaanya obubaka obukwata ku kulwanyisa mukenenya e Bulange, Minisita w’ebyobulamu e Mengo Doctor Ben Mukwaya asabye emikutu gy’amawulire okusitukiramu mu kaweefube ono.
Doctor Mukwaya agamba kaweefube ono bakukolaganiira wamu n’abayimbi, Bannakatemba, Bodaboda, amasomero, mu butale, abavuzi b’ebimmotoka, abakinjaagi n’ebiwayi by’abantu ebirala okutuusa obubaka nga Kabaka bweyalagira.
Mu nteekateeka eno abantu bagenda kukungibwa mu kifo kimu ku lunaku olulirangirirwa bonna okusobola okwekebeza.
Kino kizze oluvannyuma lwa Kabaka okulondebwa ekibiina kyamawanga amagatte ekikola ku kulwanyisa obulwadde bwa Mukenenya okumulonda nga Ambasada waakyo ku lukalu lwa Africa.