Amawulire

Sipiika Among avumiridde ab’enyumiririza mu kufa kw’abalala

Bya Prossy Kisakye,

Sipiika wa palamenti Anita Among avumiridde omuze ogweyongera mu bannayuganda ogw’okujaguza emikisa gy’abalala.

Okwogera bino, sipiika abadde akubirizza olukiiko olw’enjawulo akawungeezi ka leero olutudde okusiima omugenzi abadde minisita w’eggwanga ow’abakozi Charles Engola eyakubiddwa amasasi omukuumiwe Wilson Ssabiiti, agaamuttirawo wiiki ewedde.

Sipiika agambye nti si kya buntu ate nga si kya buwangwa omuntu okujaguza singa munne gwatayagala abagudde mu buzibu oba okufa n’asaba Bannayuganda okukomya omuze guno.

Among era avumiridde obutemu bwémmundu obweyongera mu ggwanga n’asaba Bannayuganda okulekera awo okutwala amateeka mu ngalo.

Ebigambo bye biddiridde ettemu ery’obukambwe eryakolebwa ku blogger Ibrahim Tusubira aka Jjaja Ichuli eyakubwa amasasi ku wiikendi e Kyanja abatemu abatannategeerekeka.