Amawulire

Sekandi awandiisiddwa

File Photo: Sekandi nga kuba mungalo

Amyuka omukulembeze w’eggwanga Edward Kiwanuka Ssekandi awandiisiddwa okuvuganya ku kifo kya Bukoto Central.

N’eyali akulira abamuyiggira akalulu John Paul Migadde naye awandiisiddwa okumuvuganya.

Paul Migadde nga ye ssentebe wa NRM e Kyannamukaaka yesimbyeewo ku lulwe era ng’agamba nti omuntu we amumazeemu amaanyi kubanga takola ku bintu byebasuubiza.

Ono agambye yasalawo okujja yekka kubanga yategeera nti tasobola kuwangula kamyufu akalimu kyekuubira naddala ng’avuganya amyuka omukulembeze w’eggwanga.

Mu  balala abawandiisiddwa kuliko Florence Namayanja owa Bukoto East , Herman SSentongo agenda okuvuganya aliko Matia Mpuuga ku municipaali ye Masaka ne Mary Babirye Kabanda ayagala eky’omukyala we Masaka.

Mu Bukoto central abantu bataano beebawandiisiddwa okuli Fredrick Ddembe, Magellan Kazibwe, Moses Matovu  n’aliko Edward Kiwanuka Ssekandi.