Amawulire

Poliisi yeweredde Mbabazi- alemedde ku nsonga

File Photo : Mbabazi nga yogeera

Nga eyali ssabaminisita w’eggwanga Amama Mbabazi awera okugenda e Mbale okwebuuza ku balonzi be ku by’okwesimba ku bwa pulezidenti, poliisi nayo emweweredde kaageza n’alinya ekigere e Mbale olunaku lw’enkya.

Akulira ebikwekweto bya poliisi mu ggwanga  Andrew Felix Kaweesi ategezezza nga bwewatali lukungaana lwakwebuuza lwonna lwakkiriziddwa kubanga Mbabazi tannakiriziganya na poliisi ku nsonga eno.

Kaweesi agamba nti okugyako nga Mbabazi agoberedde amateeka nga bweyalagirwa, tebajja kumuganya kugenda Mbale nga era bbo nga poliisi bakugenda mu maaso n’okukuuma emirembe mu kitundu.

Ate ggo agava e Mbale galaga nga poliisi bweyiriddwa mu bitundu by’e Mbale ebyenjawulo nga yetegekera Mbabazi okugendayo okwebuuza ku balonzi nga bwazze awera.

Poliisi ekkakanya obujagalalo ssaako n’abajaasi ba UPDF balabiddwako mu tawuni wakati, ne woteeri ya Mbale resort Mbabazi wasuubirwa okukusisinkanira abalonzi be .

Omwogezi wa poliisi mu bitundu bya Elgon  Diana Nandawula wabula ategezezza nga abaserikale okuyiibwa mu bifo ebyenjawulo bweli enkola eya bulijjo kale nga tewasanye kubeerawo kyeralikiriza bantu.

Agamba kiri mu mateeka okukuuma abantu n’ebintu byabwe.