Amawulire
Poliisi yakubye omudigize amasasi nafa
Bya Abubaker Kirunda
KAMULI
Police e Kamuli yetonze olwekyabaddewo bwebakubye, omusajja amasasi eyabadde agenze okujaguza sekukulu mu kisaawe e Kamuli.
Dan Nsubuga Kirunda omutuuze we Namayira mu ggombolola ye Bugulumbya yakubiddwa amasasi agamusse, poliisi bweyabadde ekakanya abantu ababadde mu kujaganya ate nebakkira okulwanagana nabategesi bebivvulu.
Kigambibwa nti abategesi balemerereddwa okuleeta abyimbi bebalanga.
Omwogezi wa poliisi mu Busoga North, Michael Kasadha ategezeza nti mu kanyolagano kano omuntu omu yeyaluguzeemu obulamu.
Kati poliisi ebakanye nomuyiggo ku babadde bategese ekivvulu kino, nga babetaaga babeeko byebanyonyola.