Amawulire

Poliisi ewakanyizza ebye’mmundu 4000 okubula

Bya Ritah Kemigisa

Poliisi esambazze  amawulire, agabadde galaga nti waliwo emmundu empya 4000 ezabuze mu store emu, gyezibadde zikumibwa.

Mu kiwandiiko ekifulumye, omwogezi wa poliisi mu gwanga Emilian Kayima agambye nti buno bulimba, ngabali emabega waabyo bandiba nga balina ekigendererwa okutabangula ebyokwerinda nokuteeka abantu ku bunkenke.

Bino byabade mu lupapula lwamwulire olumu, nti abekitongole kya CMI kinonyereza ku mmundu 4000 ezitakubikako kya mulubaale.

Kayima agambye nti Ssabapolisi we gwanga Martin Okoth Ochola yalagidde bulagizi, wabeewo okuddamu okubala emmundu zonna eziri mu mikono gyabwe.

Abawandiisde bino abasabye betereeze era bafengayo okuwandiika amawulire amatuufu.