Amawulire

Poliisi etandise okunoonyereza ku ttemu ekikoleddwa ku Minisita

Bya Ritah Kemigisa. Poliisi etegeezezza  nga bwetandise okukola okunoonyereza ku ttemu elikedde okukolebwa ku abadde Minisita omubeezi avunanyizibwa ku nsonga z’abakozi Charles Okello Engola.

Engola akubiddwa omukuumi we amasasi agamutiddewo enkya ya leero mu maka agasangibwa e Kyanja ku njego yego z’ekibuga Kampala.

Ng’ayogerako eri ab’amawulire ku kitebe kya Poliisi e Naguru, omwogezi wa Poliisi mu gwanga Fred Enanga atageezezza nga akubye minisita bwamubadde ku lusegere bw’abadde ayingira motoka yye ey’omulimu okugenda okukola.

Enanga ategeezezza nga amangu ddala nga amaze okutta mukama we, omusirikale ono ategerekese nga Private Wilson Sabiiti agenze mu kabuga akali akumpi e Kyanja gyayingiridde  mu saloon emu naye neyekuba amasasi agamutiddewo.

Enanga ategeezezza nga bwebayungudde abawanvu n’abampi  abatuuse edda ku kifo kino okutandika okunoonyereza ku ttemu elyo.