Amawulire

Poliisi eriko abaana bebanunudde

Bya Ritah Kemigisa ne Ivan Ssenabulya

Poliisi e Mukono eriko omwana gwetasizza eyabadde abbiddwa, Chelsea Tezanya, muwala wa Arthur Tazenya omutuuze we Kira.

Omwana Chelsea yabadde abbiddwa omukozi aterekese nga Esther Mulekateete eyabadde yakakola mu maka ga Tazenya ennaku 4 zokka.

Poliisi egamba nti yasobodde okulondoola yaaya nga bakozesa ssimu ye oluvanyuma yasangiddwa nomwana ku kyalo Kachanga mu district ye Kalangala.

Kati ekibinja kyabasirikale ba poliisi okuva ku poliisi ye Kira kisindikiddwa okukimayo omwana bamukomyewo ewaabwe.

Bino webijidde nga ssenkulu wekitongole ekikessi munda mu gwanga ekya Internal Security Organizations Col Frank Kaka Bagyenda yategezeza nti emisango ejisinga sssi mituufu wabula gyakwewamba.

Ate mungeri yeemu poliisi ye Kireka eriko abaana babiri beyanunudde owemyaka 11 Shakirah Nakabuye ngabadde asoma kibiina kya 5 ku ssomero lya Nakifuma Church of Uganda P/S nowemyaka 2 Don Kitandwa.

Okusinziira ku mumyuka womwogezi wa poliisi Patrick Onyango, abaana bano babadde bawambiddwa, bwebabadde bava ku kalwlairo nga kigambibwa nti waliwo abasajja 3 ababateeka mu kamotoka akika kya Raum akaddugavu neyolekera ku kisaawe mu bitundu bye Namboole.

Wabula abaana bano kigambibwa nti bakubye enduulu nga bsaba obuyambi ekyawalirizza ababadde babawambye okubasuula.

Onyango ategezeza nti waliwo abantu ababdde ku mabbi abalabye nga bino bigenda mu maaso nebayamba abaana bano okubatwala ku poliisi e Kireka gyebali kati.