Amawulire

Poliisi Ekyanonyererza ku Massa

Bya Sam Ssebuliba

Poliisi etegezezza nga bwetandise okunonyereza ku byonna ebyabaddewo, eyaliko captain wa tiimu ye gwanga Geoffrey Massa beyabadde akubibwa amasasi ne muganzi we olunnaku olwe ggulo.

Abasirikale ba poliisi, bakubye emmotoka ya Massa amasasi ku Nganzikiro yoluguudo e Nambole oluvanyuma lwokumutebereza okubeera omumenyi wamateeka, omukazi gweyabadde naye nalumizibwa.

Ono kigambibwa olwamwekengedde navulumula mmotoka mungeri etabadde ya bulijjo.

Kati okusinziira ku mwogezi wa poliisi mu Kampala nemiriraano, Emilian Kayima, Massa yakoze statement ku poliisi olunnaku olwe ggulo eranga bamuguddeko omusango gwokuvugisa ekimama.

Kati yye Josephine Malinza gweyabadde naye eyalumiziddwa, agambibwa okubeera mugenzi we, yaddusiddwa mu ddwaliro lya Gwatiro e Kirekka, okufuna obujanjabi obwamangu.