Amawulire

Poliisi ekutte omusawo w’ekinnansi omufere

Poliisi ye  Masaka eriko omusawo w’ekinansi gwekutte lwakubba obukadde 5 okuva eri omukozi wa mobile Money.

Apollo Bwebale omutuuze ku kyalo  Kijonjo –Naluzali Village  y’akwatiddwa olwokubba Florence Nalukenge  ku luguudo lwa Elgin.

Kigambibwa nti omusawuzi ono y’alimbalimba omukyala ono nga ssente z’abadde akozesa mu mobile money bweziriko ekikolimo nga n’edduuka lya lyandikwata omuliro olw’ekikolimo kino kale nga bajajja basaana okuziwa omukisa.

Nalukenge y’akwaasa Bwebale ssente azitwale aziwongerere awone ekikolimo wabula wayitawo kumpi omwezi mulamba nga tazizza nga n’essimu za Bwebale teziriiko.

Mukazi wattu yekubira enduulu ku poliisi  eyakutte omusawo w’ekinansi ono.

Omusamize ono era y’alagira Nalukenge agule ensawo ateekemu emmwanyi 2 nga mweyalina okutaaka ssente zino nga azizizza.

Omwogezi wa poliisi mu bukiika ddyo bw’eggwanga Noah Sserunjoji akakasizza okukwatibwa kwa Bwebale era n’alabula abantu okkwegendereza abafere nga bano.