Amawulire

Poliisi ekutte omukazi olwokutta bba

Bya Ivan Ssenabulya

Poliisi e Mukono eriko omukazi ne mukwano gwe gwegombyemu obwala nga bateberezebwa okuba nga bekobanye n’ebatta omwami.

Abakwate ye Jackline Nakku  owemyaka 25 mukyala w’omugenzi ne mukwano atanategerekeka mannya abatuuze ku kyalo Upper Nabuti masekati gekibuga Mukono.

Kigambibwa nti banno mu kiro ekikeseza olwaleero bakidde Eric Ssenyonjo owemyaka 33 omusubuzi mu kibuga Mukono nebamutta nga kiteberezebwa nti beyambisinza akatayimbwa ne jjambiya, oluvanyuma nebalaya enduulu nti abatemu babayingiridde.

Omulambo gusangiddwako ebiwundu ku mutwe mu kitaba ky’omusaayi mu buliri.

Akulira okunonyereza ku misango e Mukono Ibrah Batasi agamba nti byebakazuula biraga nti Nakku yeyasse bba.

Okusinziira ku balirwana abafumbo bano baludde nga balina obutakanya.