Amawulire

Police erwanaganye n’abaami ba Kabaka.

Bya Sadat Mbogo.

Police y’e Buwama mu district y’e Mpigi ekedde mu ddukadduka n’abaami ba Kabaka mu ssazalye ery’e Mawokota abazze okuteeka ssengenge ku ttaka lyobwakabaka eriweza yiika munaana kyokka police nebalemesa nga egamba tebaayise mu mateeka.

Abaami ba Kabaka nga bakulembeddwamu Kayima David Ssekyeru bategeezezza nti bbo baafunye olukusa okuva e Mengo okujja okulamba ettaka ly’obwakabaka weriyitira okwewala bannakigwanyizi abayinza okulibba.

Ettaka eririko embiranye lituddeko ekkomera lya gavumenti ery’e Buwama, ekisaawe kyomupiira gw’ebigere ekiyitibwa Archbishop Kasujja Stadium, akatale ka mubuulo, embuga ya town council eya Buwama, office z’omuwaabi w’emisango gya gavumenti ssaako n’ekifo town council weekunganyiza kasasiro.

Aduumira police y’e Buwama Joseph Kamukama awaliriziddwa n’okuyita amagye gamuyambeko okulemesa abaami ba Kabaka okugenda mu maaso n’okuteeka ssengenge ssaako okukuba enkondo ku ttaka lino.

Ategeezezza nti okujjako nga Omwami w’essaza lya Mawokota oba Buganda bafunye ekiragiro kya kooti, tebagenda kubakkiriza okugenda mu maaso.