Amawulire

Palamenti ekungubagidde Mutebile

Bya Ritah Kemigisa

Minisita wamawulire ebyuma bi kalimagezi nokulungamya egwanga Dr Chris Baryomunsi asabye ababaka ba palamenti, okwewala okutobeka ebyobufuzi mu kufa kwa Prof Emmanuel Tumusiime Mutebile abadde gavana wa Banka yegwanga enkulu.

Palamenti etudde, nebakukungubagira Prof Emmanuel Tumusiime Mutebile n’okujjukira emirimu gyakoledde egwanga.

Baryomunsi agambye nti okulemererwa kwa Mutebile, tukusaanye kwogerwako nnyo naye egwanga lisiime nokujjukira byakoze okuddukanya ebyenfuna byegwanga.

Ekiteeso okusiima omugenzi kireteddwa Ssabaminisita wegwanga Robinah Nabbanja nekiwagirwa, akulira oludda oluvuganya gavumenti Mathias Mpuuga.

Mpuuga anokoddeyo ensonga zenkwata yensi yensimbi zegwanga mu kulonda nebirala.

Wabula Baryomunsi bwabase akazindaalo byagambye nti bibadde tebyetagisa, tekiri mu mpisa yaabwe okwogerera abafu.

Omubaka wa Bukooli Central Solomon Silwany yye aleese ekiteeso, bakole enongosereza mu kiteeso ekitereddwa famile y’omugenzi okusimibwa, amyuka Sipiika Anitaha kyakanyizza nebakiyisa.

Okusinziira ku minisita wamawulire Dr Chris Baryomunsi, omugenzi waakuweebwa okuziika okutongole okwa gavumenti, nga waakuzikibwa ku Bbalaza mu disitulikit ye Kabale.