Amawulire

Paasika- 71 bali ku bitanda, abazaaliddwa bali bulungi

Abantu abasoba mu 71 beebali mu ddwaliro e Mulago oluvanyuma lw’okugwa ku bubenje ku lunaku lwa Easter jjo

Bano bali awatuukira abayi era ng’abasinga obubenje baafunye bwa bodaboda

Atwala waadi eno Marie Achakala agambye nti 21 ku bano balumbiddwa ate ng’abalala obubenje baabufunye batamidde nga nakati bakyafubutuka omusaayi

Abasinga ku bantu bano tebaliiko baabwe ate nga tebasobola kwogera kale nga tebalina ngeri gyebayambibwaamu.

Bbo abaana 73 beebazaaliddwa mu ddwaliro e Mulago olunaku lwajjo

Atwala leeba ye Mulago Sulphine Twinomuhangi agamba nti ku bano 55 bazaaliddwa bulungi ate 18 bamaama baabwe basaliddwa

Kuno era kuliko emigogo gy’abalongo 3.

Ate e Mbarara , abaana 28 beebazaaliddwa ku lunaku lwa paasika.

Akulira waadi  y’abaana  mu dwaliro lye Mbarara Judith Kyarisiima  agambye nti abaana 15 baabadde bawala 11 balenzi , era nga  bamaama b’abaana bonna bali bulungi, nga kwogase ne 13 abaalongoosegwa obulongoosebwa.