Amawulire
Paapa akunze ku bumu
Paapa Francis akunze abantu mu ggwanga lya Central African Republic okulekera awo okulwana nga bekwasa eddiini
Paapa agambye nti tewali njawulo wakati wa bayisiraamu n’abakirisitu nga bonna baluganda.
Paapa ayogerako eri abakirisitu mu kibuga Bangui nga bano baddukira mu muzikiti olw’okuyiggibwa abakirisitu.
Mu kukyala kwa paapa kwonna,olugendo lwe mu Central African Republic lwelubadde lusinga obuzibu olw’entalo z’amadiini eziri mu ggwanga lino.
Paapa era olumaze n‘akulemberamu kitambiro kya mmisa era mu kibuga ekikulu Bangui.
Poliisi evuddeyo n’etegeeza nti emirembe egyabaddewo mu kukyaaza paapa gyavudde ku nkolagana wakati w’ebitongole byonna ebikuumi.
Abasirikale abawerera ddala omutwalo gumu mu enkumi bbiri beebakuuma emirembe kko n’abalambika ebidduka abawerera ddala 800.
Omwogezi wa poliisi mu ggwanga Fred Enanga agambye nti bonna abassibwa ku mirimu baakola egyabaweebwa kale nga gy’emirembe egyalabikako
Ab’enganda z’omuyizi w’enkumba eyakooneddwa emotoka ya gavumenti eyabadde ewerekera paapa bagaala bwenkanya
Ajok John Garang nga munnansi wa South Sudan bamukoonedde ku ssaawa ya kwiini motoka ya gavumenti namba UG 1787c eyabade werekera paapa
Maama w’omugenzi ategeezezza nti mutabani we abadde mu mwaka ogusembayo ng’akola bigezo.
Abantu abalala babiri banyiga biwundu oluvanyuma lw’okufuna ebisago ebyamaanyi e Namugongo.
Damalie Wanyana ow’emyaka 35 yazirikidde ku kisaawe e Kololo bweyabadde ayimba n’omulala ategerekese nga Paul Lukenge eyakoneddwa motoka.