Amawulire

Owa UPC Dr. Eunice Apio yeyawangudde okulonda mu Oyam North

Bya Bill Oketch,

Munnakibiina kya Uganda People’s Congress, Dr. Eunice Apio yeyawuse obuva ekifo kyómubaka wa Palamenti owa Oyam North Constituency.

Akakiiko akébyókulonda kalangiridde Dr. Apio oluvanyuma lwokuwangula okulonda okwabaddeyo olunaku lweggulo n’obululu 15,700 (49%) ate munne bwebeebadde ku mbiranye owa NRM Samuel Engola Jr Yafunye obululu 15,170 (47%).

Ekifo kya Oyam North kyasigala nga kikalu oluvanyuma lweyali omubaka waayo era eyali minisita w’abakozi Col Charles Engola okubwa amasasi agaamuttirawo omukuumi we mu makaage wano Kampala.

Abalala ababadde mu kuvuganya kuno ye Daniel Okello owa National Unity Platform, ne Newton Freddy Okello owa Forum for Democratic Change.