Amawulire

Owa Boda Boda Bamusse pikipiki nebajitwala

Bya Malikh Fahad

Poliisi e Kyotera etandise okunonyereza kungeri omugoba wa pikipiki gyatiddwamu abazigu ne pikipiki nebajimutwalako.

Omugenzi ye Kuraish Kawooya omutuuze mu Kinakole zone mu Kabuga ke Beteremu mu district ye Kyotera.

Kigambibwa nti omugenzi waliwo abamupangisizza okuva e Kamwanyi okubatwala mu gombolola ye Kasaali wabula okuva olwo tebaddamu kumulabako.

Okusinziira ku Robert Ssenoga akulira Beteremu stage, omugenzi wabadde akolera abadde yabula kuviira ddala ku Lwakutaano, okutuusa lwebazudde omulambo gwe bweguzuliiddwa abalaalo mu ttale.

Omwogezi wa poliisi mu kitundu Lameck Kigozi akaksizza okutibwa kwono, naye agamba okunonyereza kutandise.