Amawulire
Owa Boda Boda awawabidde kitaawe olwo’kumwegaana
Bya Ruth Anderah
Omugoba wa boda boda akubye kitaawe mu mbuga z’amateeka lwakumwegaana.
Masembe Najibu Muhammad ow’emyaka 35 yakubye kitaawe Hajji Musa Luyombya Mayanja mu kkooti ng’agamba nti yamwegaana atenga nyina okufa yaleka amugambye nti ye kitaawe.
Masembe agamba nti kitaawe ono Hajji Mayanja amanyi bulungi amazima naye amwegaana olwokuba amuswaza teyasoma avuga boda boda atenga ye mukulu mu Kakiiko k’obusiramu aka Uganda Moslem Supreme Council.
Ono era agamba nti Hajji Mayanja ekirala ekimukwasa ensonyi kuba yamuzaala mu yaaya Nakamya Aisha mu mwaka gwa 1983.
Kati kooti y’emengo eyise Hajji Mayanja alabikeko mu kooti nga June 19th omusango guno gutandike okuwulirwa era bakeberebwe ne ndaga butonde.