Amawulire

Onebe yeegaanye ebyókutta eyali Mukyalawe

Bya Ruth Anderah,

Omubalirizi w’ebitabo omukulu, Francis Onebe yeegaanyi okutta eyali mukyala we Immaculate Mary Blessing Onebe ng’oludda oluwaabi bwe lulumiriza.

Onebe ow’emyaka 62 alabiseeko mu maaso g’omulamuzi wa kkooti enkulu Michael Elubu amusomedde omusango gw’obutemu n’agwegaana.

Ono avunaanibwa wamu ne Bonny Oriekot ow’emyaka 26, omukuumi eyeegattira mu kkampuni ya Pentagon Security Company.

Kigambibwa nti Immaculate Onebe yatemulwa mu January wa 2021 omulambo gwe ne gusuulibwa mu ttanka y’amazzi amakyafu poliisi gye yazuula mu maka gaabwe e Mawanga zooni Munyonyo mu divizoni y’e Makindye.

Kati okuwulira omusango kutandise nómujjulizi w’oludda oluwaabi asoose nga ye musawo okuva mu ggwanika e Mulago.