Amawulire
Omwoleso gwa Pearl of Africa Tourism Expo gutandise
Bya Ivan Ssenabulya
Omwoleso gwa Pearl of Africa Tourism Expo gutandise amakya aga leero mu Jubilee Park wano mu Kampala “nomulanga okuddamu okuzuula ekkula eriri mu gwanga lyaffe”.
Omwoleso gwetabiddwamu abolesa 200 okuva e bunayira nabomunda mu gwanga.
Vincent Mugaba, omwogezi wekitongole kyebyobulambuzi ekya Uganda Tourism Board ategezeza nti waliwo ebikujjuko ebyatandika wiiki emu emabega, nga kampuni zabalambuzi 20 okuva e bweru batuseeko mu biffo byebyolambuzi ebyenjawulo mu gwanga.
Mu biralala ebikoleddwa era ebitunuliddwa mu nanku ezijja, watereddwawo ekkumiro lyebisolo eryekiseera, aba ZOO abantu webagenda okwerabira ku bisolo ebyenjawulo.