Amawulire

Omuyizi asitudde munne na’mugunda wansi namutta

Bya Shamim Nateebwa

Omuyizi wa Busoga College Mwiri asoma S3 asitudde muyizi munne nga bali ku ssomero n’amukuba wansi n’amutta.

Christopher Muwanguzi, owa S 4 yasitudde Kevin Macho n’amuggunda wansi nga baakamala okutendekebwa omuzannyo gwa ‘Rugby ekimuviriddeko omusaayi okuyiika mubwongo nafa.

Kigambibwa nti Macho, olwagudde wansi n’atandika okwesika nga basoose mumutwala mu ddwaliro lya Rippon embeera bwetabanguse, nebamwongerayo mu ddwaaliro ly’e Nakasero mu Kampala.

Omusomesa Samuel Mwondha, gwetusanze ku gwanika ku ddwaliro e Mulago agambye nti bwe baatuuse e Nakasero, abasawo babasabye obukadde 2 ,okukwata ku mulwadde ezabalemye ne bamuleeta e Mulago gyafiridde.

Abasawo babagambye nti omusaayi gwayiise mu mwongo, kyekimuviriddeko okufwa.