Amawulire

Omuyizi afiiridde mu kidiba ekiwugirwamu e Fortportal

Bya Alex Ashaba. Police e Fort Portal etandise okunoonyereza ekyaviiriddeko omuyizi wa Senior ey’okusatu okuva ku Somero lya St Leo’s College Kyegobe okufiira mu kidiba ekiwugirwamu.

Kigambibwa nti Musinguzi Bilson ne banne abalala 3 bavudde ku kisaawe ky’essomero ku saawa nga 3 ez’okumakya z’olunaku lw’eggulo bwebaabadde bali mukutendekebwa essomo lya mwooyo gwa ggwanga.

Omwogezi wa Poliisi mu bitundu bya Rwenzori West Vincent Twesige yategeezezza nti omugenzi yasoose kweyambula ngoye n’oluvanyuma natandika okuwuga wabula eby’embi nabbira.

Bayizi  banne beyabadde nabo tebasobodde kutegeeza bakulembeze ku somero okutuusa omuntu ow’okukyaalo bweyakubidde abamu ku basomesa ng’omuyizi wabwe bweyabadde afiiridde mu kidiba

Omulambo gwono gwanyuluddwa nga Poliisi eyambibwako abatuuze negutwaliba mu dwaliro lya Fortportal Regional Refferal okwongera okugwekebejja.