Amawulire

Omuwala eyabadde yewambye e Mpigi bamukutte

Bya Sadat Mbogo

Police e Bujuuko mu district y’e Mpigi eriko omuwala gweggalidde mu kaddukulu kaayo ajiyambeko mu kunonyereza ku bigambibwa nti yabadde awambiddwa ate oluvanyuma n’azuuka nga mulamu.

Doreen Nanyombi owemyaka 15 nga muwala wa Kazibwe David ow’e Bujuuko kitaawe yamututte ku police emunonyerezeeko ng’ateebereza nti muwala yabadde yeewambye.

Ono ku Lwomukaaga yabeeka kitaawe ensimbi obukadde 30 ng’ayita mu kumuwandiikira ebibaluwa by’abadde asuulanga ewaka ngateekako n’ennamba y’essimu okulina okugenda ensimbi.

Taata ategeezezza police nti akizudde nga muwala we bweyewamba n’abulira mu byalo byomu ggombolola y’e Muduuma mu district ey’e Mpigi.

Omuwala ono bwebamulabye yabadde taliiko yadde enkwagulo, ekyaleseewo okutebereza.

Joseph Musana ayogerera police mu bitundu bya Katonga akakasizza okukwatibwa kw’omuwala ngokunonyererza bwekugenda mu maaso.