Amawulire

Omutuuze atemuddwa mu bukambwe

Entiisa ebuutikidde abatuuze ku kyalo Kirungo e Bukundugulu mu ggombolola y’e Kyegonza mu Gomba bwebasanze mutuuze munnaabwe nga yatemuddwa mu bukambwe.

Omugenzi ategeerekese nga Matovu Charles myaka 40 egy’obukulu.

Asangiddwa nga yasibiddwa ku muti gw’emmwanyi okumpi n’amakaage ng’alina ebiwundu ebyamanyi ku mubirigwe.

Akulira bambega ba police e Gomba Doreen Kaacho oluvannyuma atuusizza embwa ekonga olusu era okukkakkana ng’esibidde wa musamize ayitibwa Kiwunde Martin.

Oluvudde awo negenda n’ewa Katumba Aloysius, ewa Kyeyune Isaac n’ewa Ssentamu Geoffrey, era kati bano bonna baggaliddwa dda mu kaduukulu ka police e Kanoni.

Alipoota y’eddwaliro ery’e Gombe eraze nti omugenzi yatemuddwa kuba kizuuliddwa nga yasaliddwako n’obusajjabwe wamu n’olulimi