Amawulire
Omusomesa agudde mu mata naafa
Bya Damalie Mukhaye
Poliisi mu district ye Kisoro etandise okunonyereza ku nfa y’omusomesa mu itundu ekyo, nga kigambibwa nti yadudde mu mata agatokota nafirawo.
Omugenzi ye Edison Bwiringiro omutuuze ku kyalo Kibumba mu gombolola ye Murora, ngabadde musomesa ku ssomero lya Katojo Modern preparatory school.
Omwogezi wa poliisi mu bitundu bya Kigezi Elly Maate agambye nti ono mu butanwa yagudde mu mata, agabadde gafumbibwa mu kabuga ke Katojo.
Agambye nti batandise okunonyereza okwongera okuzuula ekituufu ekyatuseewo.