Amawulire

Omusango gwóbulyake oguvunanibwa Nandutu tegugenze mu maaso

Bya Ruth Anderah,

Omusango gw’obuli bw’enguzi oguvunaanibwa minisita omubeezi ow’ensonga z’e karamoja Agnes Nandutu tegugenze mu maaso nókuwulirwa olunaku olwaleero.

Kino kiddiridde oludda oluwaabi olukulembeddwamu David Bisamunyu, okutegeeza kkooti nti abajulizi abakulu mu musango guno bali mu kaduukulu mu kkomera e Luzira.

Kubano kuliko; personal assistant wa Minisita Mary Gorreti Kitutu, Joshua Abaho ne nómumyuka wómuwandiisi, Geoffrey Seremba.

Kino kiwaliriza omulamuzi Jane Kajuga Okuo awozesezza omusango guno okwongezaayo ensonga okutuusa nga July 4th 2023 okwogerwako.

Nandutu nga mu kiseera kino ali ku kakalu ka kkooti, avunaanibwa okwenyigira mu kubba amabaati agaali galina okusindikibwa okuyamba abatuuze mu bitundu byékaramoja okuva mu buyumba bwesubi.

Mungeri yeemu oludda oluwaabi lulina abajulizi 10 abagenda okuwa obujulizi ku Minisita Nandutu.