Amawulire

Omusango gwe’kkomo ku myaka gugenda kuwulirwa Mbale

Bya Ruth Anderah

Omumyuka wa Ssabalamuzi, Alfonse Owiny-Dollo alagidde nti omusango ogwabawakanya okujja ekkomo ku myaka gyomukulembeze we gwanga guwulirwe e Mbale nga April 4^th 2018.

Olwaleero  omulamuzi Dollo asisinkanye abantu bonna 7 ne banamateeka baabwe abawaaaba era nebakanya nti bonna 7 emisango gyabwe gigattibwe mu ggumu era gwulirwe mu district ye Mbale.

Wabula abamu ku banamateeka nga Elias Lukwago ne Wandera Ogalo bagezezaako okuwakanya ensonga eno, lwaki omusango gwabwe gutwalibwa ewala bwegutyo, omulamuzi nakalambira nti ensonga za kooti ya ssemateeka zezimu wonna wezibeera ziwuliddwa.

Wano alagidde bano okwetegeka okwanja ensonga nga 4^th April 2018.

Ababwaabi kuliko Uganda Law society ekibiina ekitaba banameteeka, ababaka 6 ku ludda oluvuganya gavumenti, Male Mabirizi nabalala.

Bano bagala kooti ya ssemateeka okusazaamu ennongosererza ezayisibwa palamenti bwebajja ekkomo ku myaka gyomukulembeze we gwanga 75, gyeyalina okukomako okukulembera.

Bano bagamba nti abanatu babulijjo balekebwa ebbali, palamenti bweyali esalalwo bweti.