Amawulire

Omusango gw’ababaka abaagobwa mu palamenti gugobeddwa.

Bya Ruth Anderah.

Kooti enkulu egobye omusango gw’ababaka omukaga gw’ebatwalayo nga bawakanya ekya Sipiika okubagoba mu parliament mungeri gyebagamba nti yali emenya amateeka.

Bano okuli Allan Ssewanyana, Mubarack Munyaggwa, Gerald karuhanga, ssemujju Nganda, Jonathan Oduru ne Anthony Akol sipiika yabalanga kumuyisamu maaso palamenti bweyali eteesa ku ky’okujja ekomo ku myaka gy’omukulembeze we gwanga.

Kati bano leero bakedde mu kooti enkulu , kyoka omulamuzi Oumo Oguli n’abategeeza nti ensonga zino zimusinga amaanyi era nga tezigwa mu kooti gyatwala,kale nga balina kugenda mu kooti etaputa ssemateeka.

Wabula akulira oludda oluvuganya gavumenti Winne Kiiiza agamba nti kibalumye nyo okulaba nga sipiika tamaze nakutunula mu nsonga zaabwe