Amawulire

Omusango gwa Ssegirinya ne Ssewanyana teguwuliddwa

Bya Ruth Anderah,

Okuwulira okusooka nga emisango gy’obutemu n’obutujju evinunanibwa Omubaka wa Kawempe North, Muhammad Ssgerinya ne munne owa Makindye West Allan Ssewanyana teginawulirwa mu butongole kuyimiridde.

Kino kiddiridde omulamuzi Elizabeth Alividza okukyusibwa gyebuvuddeko okumutwala mu kitongole ekivunaanyizibwa ku by’ettaka ekya Kkooti Enkulu.

Omusango guno gubadde gwa kujja leero mu kkooti eya International Crimes Division mu kkooti enkulu okwongera okuwulira obujulizi obulala kyokka nga tekisobose olwobutabaawo mulamuzi.

Bannamateeka b’abavunanibwa wamu n’omuwaabi wa gavumenti Richard Birivumbuka basisinkanye amyuka omuwandiisi wa Beatrice Atingu ayongezzaayo mu butongole okuwulira omusango guno okutuusa nga bafunye omulamuzi omuggya