Amawulire

Omupoliisi yesse lwakubuza mmundu

Atwala poliisi ya Ogom mu disitulikiti ye Pader yewadde eddagala erifuuyira ensiri neyetta lwakulememerwa kuzuula mmundu ezamubbibwako ku nkomerero y’omwaka oguwedde.

Charles Ocakacon taata ow’abaana 6 yeyejje mu budde oluvanyuma lw’emmundu z’eyali aterese ewuwe okubibwa nga agenze ne mukyalawe mu Katale okugula ebyomumaka.

Omuserikale ono abadde yaakalabika mu kkooti enfunda 2 okwewozaako ku mundu zino ezabibwa nga era abadde wakudda mu kkooti nga 4 omwezi ogujja wabula tabilinze neyetta.

Mukyala w’omugenzi nga ono ye  Joyce Ocakacon ategezezza nga bba bw’abadde yeralikiridde enyo olw’emmundu zino ezabula nga atya okumusiba.

Namwandu ategezezza nga bw’akowodde bba mu kisenge nga tawulirayo kanyego era oluyise baliranwa bagenze okuyingira mu kisenge nga oli mukalu wa jjo.

Mukyala Ocakacon ategezezza nti  waliwo eyabbidde ku mugenzi nga bwebayinza okumusiba amayisa olw’emmundu zino nga kino kyamukanze nyo.