Amawulire

omuliro gusanyizzawo sitoowa z’obuwunga

Bya Ali Mivule

Abasuubuzi bomu kisenyi bali mu miranga oluvanyuma lw’omuliro okusanyaawo emmaali yaabwe.

Abasinga bagenze okukeera ku makya nga omuliro gukyayaka nga era era ebyuma byabwe eby’obuwunga bisanyewo wamu n’ekizimbe kya Salabed ekitereka emigugu egyenjawulo.

Okusinziira ku basuubuzi omuliro guno gwatandise ku saawa nga zinatera okukoona omukaaga nga oluvanyuma lw’amasanyalaze okuvaako.

Kyo kitongole kya poliisi ekizikiriza omuliro  kitegezezza nga bwewatali Muntu yenna afudde  yadde okukosebwa mu muliro ogukutte ebyuma byakasoolo n’ebizimbe ebimu mu Kisenyi.

.

Akulira poliisi ezikiriza omuliro  Joseph Mugisa agamba omuliro gubadde gwamaanyi nyo okuguzikiririzaawo wabula baayungudde ebimotoka 12 okulaba nga guzikira era ssibakusegula kigere kyonna okutuusa nga bakakasizza nti tewakyali yadde akaliro akaaka.

Anyonyodde nti omuliro gwanguye okusaasana kubanga obuyumba bwonna bubadde kkumukkumu era negutwaliramu n’ekizimbe kya Salabed gyebatereka emigugu .

N’okutuusa kati ekivuddeko omuliro tekinategerekeka.