Amawulire

Omuliro gukutte ekkolero lya Sukaali wa Kakira

Bya Abubaker Kirunda,

Poliisi mu disitulikiti ye Jinja etandise okunonyereza ku nnabambula womuliro ogukutte ekkolero lya Kakira sugar factory limited.

Omwogezi wa poliisi yé Kiira James Mubi agambye nti omuliro guno ogubadewo mu matumbi budde gukutte ettelekero lye bikajjo ne bintu ebirala ebintu bya bukadde na bukadde ne bibengeya.

Mubi agambye nti emotoka za poliisi ezizikiriza omuliro zagezezako okutaasa emaali ya kakira naye omuliro gubadde mungi ne balemererwa.

Wabula basobodde okulemesa omuliro obutasasanira bizimbe birala gye gubadde gutanatuuka ne sundiro lya mafuta eriri okumpi.

Mubi atubuulidde nti tewali muntu alumiizibbwa mu muliro guno naye nga okunonyereza ku kivirideko omuliro guno kutandise.