Amawulire

Omulalu asse omusumba- amusanze mu nimiro.

Bya Magembe Ssabiti.

Police e Mubende ekutte omulalu ategerekese nga Ssebiranda Tito , nga ono asanze omusumba  ng’alima n’amukuba emiggo egimusse.

Bino bibadde ku kyalo Kijwanganya mu gombolola ye Bukuya e Mubende ng’atiddwa ye Musoke Sserugo ow’emyaka 48  era nga abadde musumba wa kanisa ya New Jerusalem church e Bukuya.

Omwogezi wa police Nobert Ochom akakasizza nga police bwesobodde okukwata Ssebiranda Tito nga kati atwaliddwa mu dwaliro ly’obwongo e Mubende okwekebejebwa okuzuula obanga ddala mulalu.