Amawulire

Omulabirizi we Lugazi atandise okulambula

File Photo : Kakooza ngali ne bukenya

Omulabirizi we ssaza lye Lugazi omugya Bishop Christopher Kakooza owaleero atandise okulambula essaza n’emirimu egy’enjawulo egikolebwa.

Atandikidde ku ddwaliro lya gavumenti erya Mukono Health Centre 4 ng’ali wamu n’abawereza ba ekereziya, atuuseeko ku kitebe kya Munisipaali ye Mukono, ku disitulikiti n’awalala.

Ku mbuga ye ssaza lye Kyaggwe yeetabye mu lukiiko lw’essaza n’okulambula ebikolebwa n’asabira n’obwakabaka bwa Buganda.

Eno gy’asinzidde n’ategeeza nti kkereziya n’obwakabaka tebisaanidde kwawukana wabula okutambulira awamu olwo eggwanga ligende mu maaso.

Ategezezza nti eby’obuwangwa ssi kwawukana ku katonda n’ajuliza ebyafaayo bya kkereziya mu Vatican.

Ye omwami wa Ssabasajja mu Kyaggwe Ssekiboobo Alex Benjamin Kigongo asiimye omulabirizi olw’okubalabulako.

Olunaku olwenkya Bishop Kakooza  wakugenda maaso n’okutalaaga ebitundu bye Ssaza lino erye Lugazi okwongera okulitegeera.