Amawulire

Omulabirizi Makumbi aziikiddwa

Abadde omulabirizi wa kkanisa mu kitundu kya West Buganda aziikiddwa ku lutikko e Kako mu disitulikiti ye Masaka

Ssabalabirizi w’ekitundu kye Masaka John Baptist Kaggwa yoomu kubatenderezza omugenzi ng’akoze ennyo ku lw’eddiini n’eggwanga lye

Ono era agambye nti omulabirizi Godfrey Makumbi akoze kyamaanyi okugatta abantu mu kitundu

Omulabirizi Makumbi yafa ku lunaku lwa Sunday oluvanyuma lw’okumala ebbanga  ng’atawanyizibwa ekirwadde kya kokoolo we mimiro

Obubaka bwa ssabassajja ku mukolo gw’okuziika bwetikkiddwa omwogezi wa Buganda owekitiibwa Denis Walusimbi Ssengendo

Ono era yeeyetisse n’obubaka bwa Katikkiro eyetonze olw’obutasobola kwetaba mu kuziika omulabirizi

RDC we Masaka Linos Ngopek yeeyetisse obubaka bwa pulezidenti Museveni n’ategeeza ng’omugenzi bw’akoze ennyo okutumbula embeera z’abakkiriza

Pulezidenti awaddeyo obukadde butaana eri ab’enganda z’omugenzi

Okuziika kuno kwetabiddwaamu Pokino Vincent Mayiga, Gen David Ssejusa, n’ababaka ba palamenti okubadde Freda Mubanda Brenda Nabukenya, Medard Lubega Segona n’abalala

Yye ssabalabirizi Stanley Ntagali alonze Rtd Rev Jackson Matovu okugira ng’akola emirimu gy’omugenzi nga bwebagenda mu maaso ne kawefube w’okulonda anamuddira mu bigere