Amawulire

Omukago gw’abavuganya guboggodde

Ab’omukago gw’ebibiina ebivuganya gavumenti ogwa  Democratic Alliance bavumiridde okukwatibwa kwa Mbabazi ne Besigye.

Mu kiwandiiko kyebafulumizza olwaleero, balumiriza gavumenti ya NRM okukozesa poliisi okutuukiriza ebigendererwa byayo.

Ekiwandiiko kino kisomeddwa ssenkaggale w’ekibiina kya JEEMA Asuman Basalirwa ategezezza nga poliisi bw’esanye okwewalira ddala okumenya amateeka .

Basaalirwa agamba baakugenda mu maaso n’okubanja enongosereza mu mateeka g’ebyokulonda.

Abalala ababaddewo kubaddeko eyali omumyuka w’omukulembeze w’eggwanga Gilbert Bukenya,eyali ssenkaggale wa UPC Dr. Olara Otunnu, akulira  CP  John Ken Lukyamuzi, n’eyali Katikiro wa Buganda Joseph Mulwanyammuli Ssemwogerere n’abalala.

Mungeri yeemu poliisi yakedde kugumba mu maka ga loodi meeya wa Kampala Erias Lukwago wali e Wakaliga .

Bano bamazeewo akabanga okutuusa bwebenyudde nebavaawo.

Lukwago ategezezza nga bwayolekera poliisi ye Naggalama munywanyi we Besigye gy’agaliddwa.