Amawulire

Omuk weggwanga agenda kwogerako eri eggwanga olunaku lwenkya ku bye Ebola

Bya Musasi waffe,

Omukulembeze w’eggwanga YK Museveni olunaku lw’enkya wakwogerako eri eggwanga ku mbeera y’ekilwadde ki Ebola nga bweyimirdde mu gwanga.

Okusinziira ku bubaka obufulumiziddwa amaka g’obwa President enkya ya leero, President okwogera kwe kwakubeerawo saawa 2 ez’ekiro ku mikutu gyonna egya zi terefayina ne radio.

Mu kwogera kwe okwasembeyo, President yalangilira omuggalo ku district 2 okuli Mubende ne Kassanda ennaku 21 oluvanyuma ezayongezebwayo Minister w’eby’obulamu Dr Jane Ruth Aceng.

Okuva olwo President azze akozesa emitimbagano okutegeeza nga Government bwetagenda kuggalawo gwanga olw’okubalukawo kw’ekilwadde wabula ng’akubiriza abantu okwekuuma.

Alipoota eyasemba okufulumizibwa Ministry y’eby’obulamu nga 6 November, yalaga nti Ebola yali yakatta abantu 54 n’okukwata abalala 139.

Webutuukidde leero nga Ebola yakabuna zi district 09 okuli Mubende, Kassanda, Kyegegwa, Kagadi, Bunyangabu, Wakiso, Masaka, Kampala kati newakyasembyeyo ye district eye Jinja.