Amawulire

Omugoba wa Bobi Wine bamusse

Bya Benjamin Jumbe

Poliisi egamba nti etandise okunonyereza ku ku byabaddewo mu kufundikira campaign mu munispaali ye Arua akawungeezi akayise, omwafirirdde omuntun omu, bweyakubiddwa amasasi.

Amawulire galaze nti omugoba we mmotoka yomubaka Robert Kyagulanyi, nga ye Yasin Kawuma yakubiddwa amasasi, bwebabadde ku lukungaana lwa Kassiano Wadri

Omubaka Kyagulanyi yabadde mu kitundu kino nganonyeza wadri akalulu eyajidde kubwanamunigina, atenga nomukulembeze we gwanga Yoweri Museveni yabadde mu kitundu kyekiku ku nkungaana zowa NRM NusuraTiperu.

Bwabadde ayogerako naffe, omwogezi wa poliisi mu gwanga Emilian Kayima akawungeezi akayise yategezezza nti tkakasa obanga, omusajja ono yafudde.

Wabula okusinziira mu daily monitor afulumye olwaleero, omubaka Kyagulanyi agambye nti omugoba we mmotoka ye kitalo nnyo, okuba nga ytiddwa poliisi, bwebamukubye amasasi.

Yye omwogezi wa poliisi mu West Nile Josephine Angucia agambye nti, poliisi yawaliriziddwa, okuwandagaza amasasi mu bbanga, abawagizi ba Kassiano Wadri nomubaka Kyagulanyi bwebabadde bagezaako, okuzibira mmotoka zomukulembeze we gwanga ekkubo.

Ate omukulembeze we gwanga Yoweri Kaguta Museveni asubizza okukola oluguudo oluva mu Arua  okudda e Terego -Moyo okugonza ebyentambula.

Bweyabadde anonyeza owa NRM, akululu Nusra Tiperu akawungeezi akayise Museveni agambye nti entekateeka zaabwe, okukulakulanya ekitundu zibaddenga zigotanyizibwa aboludda oluvuganya gavumenti.

Wabula asabye balonde Tiperu, tebajja kwejjusa banalaba ku birungi ebyensi eno.