Amawulire
Omufumbi asse omusomesa
Entiisa ebutikidde abayizi n’abasomesa b’essomero lya Kingsland Junior School Lwankoni mu disitulikiti ye Rakai oluvanyuma lw’omufumbi okubagulawo emmotoka y’essomero n’atomera omusomesa n’amutta wamu n’okulumya abayizi 3.
Boaz Tumwiine nga musomesa wa luzungu y’afiiriddewo nga bbo abayizi abalumiziddwa bategerekese nga Everline Nalwanga 12, Phiona Nakeya 9, n’omulala ategerekese nga Juliet ow’emyaka 5.
Omufumbi ategerekese nga Mugaga y’abaguddewo emmotoka eno eyekika kya Super Custom UAQ 188S okukkakana nga atomedde.
Omukulu w’esomero Mesach Ssebbula ategezezza nga omufumbi ono bwatabadde nalukusa kuvuga motoka eno evuddeko akabenje.
Atwala poliisi y’ebidduka mu disitulikiti ye Rakai Swaibu Muhumuza akakasizza akabenje kano n’ategeeza nga bwebali ku muyigo gw’omufumbi ono.