Amawulire

Omubaka Kabanda ayagala America eyingire mu lutalo lwa Yisirayiri ne Palestina

Bya Prossy Kisakye,

Omubaka omukyala owa disitulikiti y’e Butambala mu lukiiko lweggwanga olukulu, Aisha Kabanda alangiridde eky’okusaba gavumenti ya Amerika esikirize eggwanga lya Yisirayiri okukomya okutta abantu baabulijjo abatalina musango mu lutalo olugenda mu maaso wakati wa Yisirayiri ne Palestine mu luwenanda lwe Gaza.

Olutalo lwatandika nga 7th October oluvanyuma lwa bakambwe aba-Hamas okulumba Yisirayiri n’ebatta abantu abasoba mu 400.

Bwabadde ayogerako eri bannamawulire ku palamenti, Aisha Kabanda mweraliikirivu nti ne gavumenti ya Uganda esirise ku butemu obugenda mu maaso mu Gaza naye ate bannayuganda abamu ababeera mu Palestine bakosebwa.

Agambye nti amawanga nga Amerika ne Bungereza galina okusikiriza Yisirayiri okukkiriza okukomya olutalo luno omufiridde abantu abasoba mu 10,000 nga ku bano abasinga baana n’abakyala.

Omubaka Kabanda agamba wakukunga babaka banne babage ekiwandiiko bakiweereze pulezidenti wa America Joe Biden kunsonga eno.